iba't iba'ng uri ng hayop na nakatira sa ating bansa. kinalap at sinaliksik ng inyong aba'ng lingkod. mayaman ang ating bansa sa lahat ng uri ng hayop at kahayupan. sana nga ay ma-endanger na ang kanilang mga tanginang lahi. ganunpaman nais kong ipabatid sa mambabasa na walang nasaktan na hayop habang ginagawa ang likhang panulat na ito.
buwaya: karaniwang malaki ang tiyan, alam mong gutom na yan kapag tumambay na sa kanto, nakasubo ang pito, may hawak na tiket at namamara ng sasakyan.
linta: mga sipsip sa city hall, tahimik at malupit.
lamok: mas matindi sa linta dahil nakakalipad at mas garapal dahil walang pakialam kung may nakakarinig.
kuhol: siya ang sinisipsip.
baboy: pork barrel, anyone? ikaw cong?
tuta: pinaka-masunuring hayop sa kaharian, lahat ng sabihin ng amo ay kaniyang gagawin.
aso'ng ulol: mga dating mababait na tuta, bigla na lang nangangagat ng amo at nanloloob ng hotel.
hunyango: paiba-iba ng kulay, di mo alam kung oposisyon o maka-admin, nakatira sa puno ng balimbing.
kapre: wala na sa puwesto pero madalas pa makita sa t.v. nananabako.
elepante: mahaba ang buhay lalo na sa pagka-pinuno sa mababang kapulungan dahil na rin sa lapad ng tenga.
tagak: akala mo kung sinong napakalaki, yabang umasta, nakatungtong lang naman sa kalabaw.
troll: lambeses na pinapababa sa pwesto, hindi matinag eh! san ba nagkukulang mga kalaban niya??
leprechaun: isang napakatalinong senadora, minsan cute, madalas nakakatakot..
buwitre: mga nangangain ng patay at bulok na laman. sinasamantala ang iyong kahinaan at kahirapan. (tanginang droga at jueteng)
paru-paro: mga socialites, lipad ng lipad around da world. bakasyon lang ba!
yan lang muna nahugot ko sa inaamag kong isipan. pwede mag-pasa ng inyong mga mungkahi sa site na ito. sa comments na lang. salamat.
ingatan at mag-ingat sa mga hayop.
Subscribe to:
Post Comments (Atom)
No comments:
Post a Comment